Аб удзеле ў мерапрыемствах з нагоды 81-й гадавіны пачатку Вялікай Айчыннай вайны
22.06.2022 г.22 чэрвеня 2022 г. дыпламаты Пасольства Беларусі ў Балгарыі прынялі ўдзел у круглым стале «Генацыд як стратэгія нацызму. Урокі Вялікай Айчыннай», арганізаваным сумесна з прадстаўніцтвам Россупрацоўніцтва ў Балгарыі.
Па відэасувязі ад Беларусі ў мерапрыемстве таксама прынялі ўдзел намеснік начальніка ўпраўлення па наглядзе за расследаваннем асабліва важных крымінальных спраў Генеральнай пракуратуры Сяргей Шыкунец і старшыня праўлення беларускага таварыства «Веды», кандыдат гістарычных навук Вадзім Гігін.
У прывітальным слове беларускі дыпламат адзначыў, што ў сучасных геапалітычных рэаліях захаванне гістарычнай памяці з'яўляецца прыярытэтам, падкрэсліў неабходнасць сумеснай работы па супрацьдзеянні спробам фальсіфікацыі гісторыі Вялікай Айчыннай вайны і распаўсюджванню праўды аб жудасных дзеяннях нацыстаў і калабарантаў падчас вайны. Падчас свайго выступлення С.Шыкунец праінфармаваў удзельнікаў круглага стала аб ходзе расследавання крымінальнай справы аб генацыдзе насельніцтва Беларусі ў ваенны і пасляваенны час, прэзентаваў кнігу «Генацыд беларускага народа». В.Гігін засяродзіў увагу на гістарычным аспекте генацыду, расказаў пра меры, якія прымаюцца ў Беларусі на розных узроўнях для захавання гістарычнай праўды.
У гэты ж дзень прадстаўнік беларускай дыпламатычнай місіі прыняў удзел у літургіі ў памяць аб загінуўшых у Вялікай Айчыннай вайне, якая прайшла ля брацкай магілы савецкіх воінаў у сталічным квартале «Лозенец». Ад Пасольства Беларусі да мемарыяла былі ўскладзены кветкі.
У Расійскім культурна-інфармацыйным цэнтры ў Сафіі працуе фотавыстава «Партызанскі рух Беларусі», падрыхтаваная на базе архіваў Беларускага дзяржаўнага музея гісторыі Вялікай Айчыннай вайны.
